26 டிசம்பர் 2015

முக்குலத்திலா அகமுடையார்?

முக்குலம் என அடையாளப்படும் மூன்று சாதிகள், கள்ளர் - மறவர் - அகமுடையார் உள்ளிட்ட இந்த மூன்று மட்டுமே. ஆனால், வல்லம்பர் என்ற நான்காவதாக ஒரு சாதியை முக்குலத்தில் யார் இணைத்தது? அப்படி இணைத்தால் அது முக்குலமா? சாதி சான்றிதழில் அகமுடையாரென இருக்கும் உடையார் - முதலியார் - பிள்ளை பட்டம் போடும் வடக்கத்திய அகமுடையாரை ஏற்க மனமில்லாத கள்ளரும் - மறவரும், சாதி சான்றிதழில் வல்லம்பர் என இருக்கும் இன்னொரு சாதியை முக்குலத்தில் இணைத்து கொள்ள முயல்கிறார்கள் என்பது வெட்கக்கேடு.

நத்தம் விஸ்வநாதன் கூட வல்லம்பர் சாதி தான். ஆனால் அவருக்கு பட்டம் சேர்வை என்பதால், நத்தம் விஸ்வனாதன் அகமுடையார் ஆகிவிட முடியுமா? இப்படி பல குழப்பங்கள் நிறைந்த முக்குலம் எங்களுக்கு வேண்டாம். நாங்கள் தனித்த அடையாளத்தோடு அகமுடையராகவே இருந்து விட்டு போகிறோம். இன்னும் எத்தனை காலம் தான் முக்குலம் என்ற பெயரில் கள்ளர் - மறவரான உங்களை முதுகில் சுமப்பது? இப்போது போதாகுறைக்கு வல்லம்பர் சாதியையும் சுமக்க அகமுடையாருக்கு சகிப்புத்தன்மை இல்லை. நீங்கள் வேண்டுமானால் அவர்களை நிரந்தரமாக உங்களோடு முக்குலமாக சேர்த்து கொண்டு, அகமுடையாரை விட்டு விடுங்கள். உங்கள் குலங்களுக்கு புண்ணியமாக போகும்.

- இரா.ச.இமலாதித்தன்

கருத்துகள் இல்லை:

கருத்துரையிடுக